Apple quny 3 trln dollardan asty

NЬıÝ-IORK. QazAqparat – Apple kompanııasynyń aktsııalary juma kúngi saýdany 3 trıllıon AQSh dollarymen aıaqtady. Bul – osy mejege jetken jalǵyz kompanııa, dep habarlaıdy QazAqparat CNN-ge silteme jasap.

Munyń bári sońǵy 40 jylda Nasdaq-ta tirkelgen birinshi jartyjyldyqtaǵy eń jaqsy ósimniń arqasynda bolǵan. Apple aktsııalary jumada 2%-dan asa ósip, bir aktsııa baǵasy rekordtyq deńgeıge – 193,97 dollarǵa jetti. Bul baǵa aınalymdaǵy 15,7 mlrd aktsııasy bar Apple-di óziniń tarıhı naryqtyq qunyna jetkizip otyr.

Apple kompanııasynyń quny 2022 jyldyń 3 qańtarynda kúndizgi saýda-sattyq kezinde osyndaı kórsetkishke jetken. Biraq sodan keıin bul pozıtsııany ustaı almaǵan edi. Apple (AAPL) aktsııalary bıyl 49%-ǵa ósti. Bul iri tehnologııalyq kompanııalardyń aktsııalarynyń keńeıýine, sonyń ishinde ınvestorlardyń jasandy ıntellektke qyzyǵýshylyǵyna yqpal etti.