Apple iOS16 operatsııalyq júıesine qazaq tilin qosty

NUR-SULTAN. QazAqparat – Apple iOS16 operatsııalyq júıesine qazaq tilin qosty. Mundaı jańalyqpen Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın bólisti, dep habarlaıdy QazAqparat tilshisi.

«Búgin Apple álem jurtshylyǵy kútken jańashyldyqty jarııa etti. Qazaqstandyqtar úshin bul tanystyrylym asa mańyzdy. Sebebi jańa iOS16 operatsııalyq júıesine avtotúzetý fýnktsııasymen qazaq tili qosyldy. 2019 jyly resmı tizimge engizilgen, endi jasandy ıntellektiń avtomatty túrde túzetetin fýnktsııalarymen iske qosylyp otyr. Bul – qazaq tildi qoldanýshylar sany artyp, ana tilimizdi álem moıyndap jatyr degen sóz», - dep jazdy mınıstr Instagram paraqshasynda.

iOS – Iphone, Ipad jáne Apple kompanııasynyń ózge de qurylǵylaryn basqaratyn operatsııalyq júıe.