Apellıatsııalyq sot Tehasta qabyldanǵan kóshi-qon týraly zańdy toqtatty

<p>ASTANA. KAZINFORM &ndash; Shet elden shtatqa zańsyz kirý AQSh zańy boıynsha memlekettik qylmys retinde jikteledi. Aq úıdiń pikiri boıynsha, zań federaldy úkimettiń ókilettikterine qol suǵyp otyr, dep habarlaıdy &laquo;<a href="https://www.golosameriki.com/a/us-court-keeps-texas-border-security-law-on-hold-in-win-for-biden/7545662.html" target="_blank" rel="noopener">Amerıka daýysy</a>&raquo; radıosy.&nbsp;</p>

Apellıatsııalyq sot shtat bıligine AQSh-Meksıka shekarasyn zańsyz kesip ótti degen kúdikpen adamdardy qamaýǵa alýǵa jáne qýdalaýǵa múmkindik beretin Tehas shtatynyń respýblıkashyldar qoldaǵan zańyn toqtatty. Prezıdent Djo Baıden ákimshiliginiń pikirinshe, bul zań federaldy úkimettiń ımmıgratsııalyq zańdardy oryndaý qabiletine kedergi keltiredi. 

Seısenbide Jańa Orlean aımaqtyq apellıatsııalyq soty Tehastyń zańnyń kúshine enýine ruqsat berý týraly ótinishin qabyldaǵan joq.

Zań Tehasqa shet elden zańsyz kirýdi memlekettik qylmys dep sanaıdy jáne shtat sýdıalaryna tártip buzýshylarǵa Qurama Shtattardan ketýge buıryq berýge jáne talapty oryndaýdan bas tartqandardy 20 jylǵa deıin bas bostandyǵynan aıyrý jazasyna kesý quqyǵyn beredi. 

Ótken aptada eldiń Joǵarǵy Soty zańnyń kúshine enýine ruqsat berdi, biraq birneshe saǵattan keıin 5-shi aýdandyq sot onyń oryndalýyna tosqaýyl qoıǵan aqpan aıyndaǵy qaýlyny qalpyna keltirdi. 

Baıden ákimshiligimen birge zańǵa qarsy shyqqan azamattyq quqyq qorǵaý toptary seısenbi kúni shyǵarylǵan sheshimdi quptap, ol kúshinde bolsa, bul Tehas bıliginiń mıgranttardyń quqyqtaryn buzýyna jáne násildik profıldeýmen aınalysýyna jol bermeıtinin málimdedi.