Apellıatsııalyq sot Dáýlet Turlyhanovtyń ulyna qatysty úkimdi ózgerissiz qaldyrdy

<p>ALMATY. KAZINFORM - Almaty qalalyq sotynyń apellıatsııalyq ınstantsııasy depýtattyń uly Nurasyl Bolattyń isin qarady.</p>

– Apellıatsııalyq shaǵym qaralyp, ózgerissiz qaldyryldy, – dep habarlady Almaty qalalyq sotynyń baspasóz qyzmeti.

Osyǵan deıin, depýtat Dáýlet Turlyhanovtyń uly Nurasyl Bolattyń advokattary apellıatsııalyq shaǵym túsirgeni týraly jazǵan edik. 

Aıta keteıik, Almaty qalasy Medeý aýdanynyń No2 aýdandyq soty probatsııa qyzmetiniń Nurasyl Bolatqa qatysty jazany – bas bostandyǵyn shekteýdi odan aıyrýmen aýystyrý týraly ótinishhatyn negiz dep tanyp, ony 1 jyl 5 aı 10 kúnge bas bostandyǵynan aıyrǵan edi. 

Eske sala keteıik, 2023 jyly aqpanda Nurasyl Bolat Almatyda zańger Anna Dmıtrıevıch pen onyń kúıeýi Oleg Chernovty soqqyǵa jyqty. 

Keıin sport qaıratkeri Dáýlet Turlyhanov balasynyń buzaqylyq áreketine baılanysty pikir bildirdi.