Apatty úılerdiń tizimin kim jasaıdy
«Elordanyń turǵyn úı qorynyń jaı-kúıine monıtorıngti Nur-Sultan qalasy aýdandarynyń ákimdikteri júzege asyrady. Kózben sholý nátıjeleri boıynsha qurylys konstrýktsııalarynyń fızıkalyq tozýy turǵysynan tehnıkalyq qorytyndyny talap etetin turǵyn úılerdiń tizbesin jasaıdy. Tehnıkalyq qorytyndy boıynsha turǵyn úıdiń 61% - dan astam fızıkalyq turǵyda tozǵan bolsa, úıdi «apatty» dep taný máselesi turǵylyqty ǵımarattar men qurylystardy apattyq dep taný máseleleri jónindegi vedomstvoaralyq komıssııanyń otyrysyna shyǵarylady», - delingen redaktsııa saýalyna joldanǵan jaýapta.
Ákimdiktiń jaýabynda aıtylǵandaı, buzýǵa jatqyzylǵan úılerdiń kezegi men tizbesin aýdandardyń ákimdikteri jasaýy kerek.
«Joba sheńberinde buzýǵa jatatyn apattyq úılerdiń tizbesin apattyq dárejesin eskere otyryp jáne apattyq úılerdiń turǵyndary úshin seriktestiktiń páterlerin óteýsiz berý proportsııasyn saqtaı otyryp, «Nur-Sultan qalasynyń Turǵyn úı jáne turǵyn úı ınspektsııasy basqarmasy qalyptastyrady jáne engizedi», - deıdi basqarma ókilderi.
Eske salsaq, buǵan deıin elorda ákimdigindegiler apatty úılerdiń turǵyndaryna baspana berý tártibin túsindirgen bolatyn.