Apatty qurylystardy buzý esebinen 2018 jylǵa deıin shamamen 1 mln. sharshy metr jańa baspana salý josparlanady
Bul týraly búgin qurylys ındýstrııasyn damytý máseleleri jónindegi respýblıkalyq keńeste agenttik tóraǵasynyń orynbasary Nıkolaı Tıhonıýk málim etti.
Onyń aıtýynsha, Astana qalasy boıynsha apatty úılerdi buzý jáne ol jerden azamattardy kóshirýdi turǵyn úı men sol úı ornalasqan jerdi memleket esebine alý tártibimen júzege asyrý týraly sheshim qabyldanǵan. Bul rette tehnogendik sıpattaǵy jergilikti tótenshe jaǵdaılar jarııalanýy kózdeledi.
«Qazirgi tańda Astanada jalpy aýmaǵy 150 myń sharshy metrdi quraıtyn 228 apatty úıler bar. Olardy 2018 jylǵa deıin buzýdy qamtamasyz etý úshin olarǵa qarajattyń qaıtarymyn da qamtý kerek. Bul rette qarjylandyrý suranysy 2013-2014 jyldarǵa shamamen 40 mlrd. teńgeni quraıdy, ár jylǵa 20 mlrd. teńgeden», - deıdi agenttik tóraǵasynyń orynbasary. Onyń aıtýynsha, atalǵan apatty úılerdi buzý esebinen 1 mln. sharshy metr baspana nemese 18 myń 400 páter salý kózdeledi. Bunyń ishinde buzylǵan úılerdiń turǵyndaryna jalpy aýmaǵy 211 myń sharshy metrdi quraıtyn 4070 páter berý kózdeledi. «Bul barlyq turǵyzylatyn úıdiń 30 paıyzy, al qalǵan 70 paıyzy qaıtarymdy qamtamasyz etý jáne aınalymǵa qaıta salynǵan qarajattyń qamtý úshin satylatyn bolady. Jalpy, Astanada apatty turǵyn úılerdi buzý - bul «Qoljetimdi turǵyn úı-2020» baǵdarlamasy aıasynda júzege asyrylatyn ilki joba bolyp tabylady.