Apatty jaǵdaıda qonǵan tikushaqtyń ekıpajymen sóılestik – Irannyń ishki ister mınıstri

<p>ASTANA. KAZINFORM &ndash; Iran ishki ister mınıstrliginiń basshysy Ázerbaıjanmen shekaralas Verzegan qalasyna jaqyn jerde bolǵan oqıǵaǵa qatysty pikir bildirdi. Bul týraly IRNA agenttigi jazdy.&nbsp;</p>

«Aýa raıynyń qolaısyzdyǵy men tumanǵa baılanysty prezıdent mingen tikushaq apatty jaǵdaıda qonýǵa májbúr boldy», - dedi Irannyń ishki ister mınıstri Ahmad Vahıdı IRIB memlekettik telearnasyna bergen suhbatynda. 

Onyń aıtýynsha, Ázerbaıjannyń Araz ózenindegi «Hýdaferın» jáne «Gız Galasy» GES-in paıdalanýǵa berý rásimine qatysqan prezıdent pen onymen birge kelgen delegatsııa birneshe tikushaqpen qaıtyp kele jatqanda, tikushaqtardyń biri apatty jaǵdaıda qonýǵa májbúr bolǵan. 

«Birneshe qutqarý toby atalǵan aımaqqa bet aldy. Tuman men aýa raıynyń qolaısyzdyǵyna baılanysty oqıǵa ornyna jetý úshin biraz ýaqyt ketýi múmkin. Jaǵdaı tolyq baqylaýda. Biz ekıpajǵa habarlastyq. Qutqarý toptary oqıǵa ornyna erterek jetip, bizge qosymsha aqparat beredi dep úmittenemiz», - dedi Ahmad Vahıdı. 

Eske salsaq, buǵan deıin Iran prezıdenti mingen tikushaq apatty jaǵdaıda qonǵanyn jazǵan bolatynbyz.