Apatty oqıǵalardan mindetti saqtandyrý engiziledi

<p>ASTANA. KAZINFORM &ndash; Qazaqstanda apatty oqıǵalardan mindetti saqtandyrý engiziledi. Bul týraly Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.&nbsp;</p>

«Halyqaralyq tájirıbeni zerdeleý jáne Qazaqstannyń saqtandyrý naryǵyn taldaý qorytyndysy boıynsha jumys toby Qazaqstanda apatty oqıǵalardan mindetti saqtandyrýdy engizý týraly sheshim qabyldady. Tıisti zań jobasyn Qarjy naryǵyn retteý jáne damytý agenttigi ázirleıtin bolady», - delingen Úkimet basshysynyń jaýabynda.

Premer-Mınıstrdiń atap ótýinshe, Qarjy naryǵyn retteý jáne damytý agenttigi mynadaı is-sharalardy ótkizýdi josparlap otyr:

- memlekettik organdardyń jaýapty oryndaýshylaryn aıqyndaı otyryp, Apatty oqıǵalardan saqtandyrýdy engizý jónindegi jol kartasyn ázirleý jáne bekitý;

- apatty oqıǵalardan saqtandyrý modelin ázirleý jáne bekitý;

- apatty oqıǵalardan saqtandyrýdy engizý boıynsha zańnamalyq túzetýlerdi qosa alǵanda, normatıvtik quqyqtyq bazany daıyndaý.

Aıta keteıik, Senat depýtattary tabıǵı apattar saldarynan keltirilgen zalaldy óteý tártibin retteý men halyqty tabıǵı apattardan, onyń ishinde sý tasqynynan saqtandyrýǵa jáne qorǵaýǵa baǵyttalǵan tıisti zań jobasyn ázirleýdi usynǵan bolatyn.