Apat bolǵan Maıqaıyńǵa mindetti túrde baramyn – jańa mınıstr

<p>ASTANA. KAZINFORM &ndash; Tótenshe jaǵdaılar mınıstri Shyńǵys Árinov &laquo;Maıqaıyńaltyn&raquo; kenishi aýmaǵyndaǵy avtobýs apatynyń sebepterin atap, oqıǵa ornyna mindetti túrde baratynyn aıtty.</p>

«24 qańtarda qaıǵyly oqıǵanyń sebebin anyqtaý úshin qurylǵan komıssııa arnaıy tekserýdi aıaqtady. Komıssııa saraptama uıymdarynyń qorytyndysy men kýágerlerdiń bergen jaýabynyń negizinde mynandaı sebepterdi anyqtady. Olar – jaýapty tulǵalardyń taý-ken jumystary qaýipsiz júrgizilýin jetkilikti deńgeıde baqylamaýy, bloktardy óńdeý kezinde opyrylýǵa beıim tustar tıisti deńgeıde baqylanbaǵan, ken shoǵyryn +90 deńgeıindegi kókjıekten joǵary jáne tómen óńdegen kezde qazba júrgiziletin aýmaq durys zerttelmegen. Sondaı-aq, komıssııa osyndaı apattardy boldyrmaý jáne apat sebebin anyqtaý sharalaryn ázirledi», - dedi ol ortalyq kommýnıkatsııalar qyzmetinde ótken brıfıngide.

Sondaı-aq, ol kún ótken saıyn izdestirý jumystary qıyndaǵanyna qaramastan, jumys jalǵasyp jatqanyn eske saldy.

«Aýa raıynyń nasharlaǵanyna, sekýndyna 28 metr jyldamdyqpen jel turǵanyna qaramastan izdeý jumystary áli júrip jatyr. Qazirgi tańda paıda bolǵan oıyqty tereńdetip, qabyrǵasyn keńeıtý jumystary táýlik boıy júrip jatyr – 9 tehnıka, 10 adam jumyldyrylǵan. Keshe keshki 20:00-den búgin tańǵa deıin ǵana 170 reıs jasalyp, 5100 tonna topyraq shyǵaryldy. Jumys jalǵasyp jatyr», - dedi mınıstr.

BAQ ókilderi onyń aldaǵy josparyn, «Maıqaıyńaltyn» kásipornynyń aýmaǵyndaǵy apat ornyna qashan baratynyn surady.

«Mindetti túrde baramyn. Josparymda bar», - dedi Shyńǵys Árinov.