AÓSShK Sammıti bıyl qazanda elordada ótedi

NUR-CULTAN. QazAqparat - Azııadaǵy ózara is-qımyl jáne senim sharalary keńesiniń (AÓSShK) VI Sammıti bıyl 12-13 qazanda Nur-Sultanda ótedi, dep habarlaıdy QazAqparat QR Syrtqy ister mınıstrligine silteme jasap.

Aldaǵy Sammıtke daıyndyq barysy QR Premer-Mınıstriniń orynbasary – Syrtqy ister mınıstri Muhtar Tileýberdi men AÓSShK Hatshylyǵynyń atqarýshy dırektory Qaırat Sarybaıdyń kezdesýinde pysyqtaldy.

Sondaı-aq, Qaırat Sarybaı Aǵa laýazymdy tulǵalar komıtetiniń sheshimderi men AÓSShK-ke múshe memleketterge saparlardyń qorytyndylary týraly habardar etip, Keńes sheńberindegi aldaǵy is-sharalarmen tanystyrdy.

Taraptar Qazaqstan tóraǵalyǵynyń bastamalaryn ilgeriletý jáne AÓSShK-tiń halyqaralyq arenada tanymaldyǵyn arttyrý maqsatynda tyǵyz ózara is-qımyldy jalǵastyrý nıetin rastady.

Aıta keteıik, buǵan deıin Aqan Rahmetýllın Syrtqy ister mınıstriniń birinshi orynbasary laýazymyna taǵaıyndalǵan bolatyn.