AÓSShK Aǵa laýazymdy tulǵalary komıtetiniń otyrysy ótti

NUR-SULTAN. QazAqparat - 21-23 maýsym aralyǵynda qazaqstandyq tóraǵalyqtyń bastamasy boıynsha Azııadaǵy ózara is-qımyl jáne senim sharalary jónindegi keńestiń (AÓSShK) Arnaıy jumys toby (AJT) men Aǵa laýazymdy tulǵalar komıtetiniń (ALTK) kezekti otyrystary ótti. Bul týraly QazAqparat QR SІM baspasóz qyzmetine silteme jasap habarlaıdy.

AJT jáne ALTK otyrystarynda Keńestiń odan ári ınstıtýtsıonaldyq damytý, Senim sharalarynyń katalogyn is júzinde iske asyrý, quqyqtyq bazasyn jetildirý, AÓSShK senim sharalaryn júzege asyrý jónindegi is-sharalardy ótkizý qaǵıdattary máseleleri talqylandy. Sondaı-aq Azııanyń álemdegi jańa róli, jahandyq jáne óńirlik úrdister, AÓSShK odan ári damý perspektıvalary týraly pikir almasyldy.

ALTK tóraǵasy - Qazaqstan Syrtqy ister mınıstriniń birinshi orynbasary Shahrat Nuryshev óz sózinde AÓSShK qyzmetiniń aıtarlyqtaı jandanǵany baıqalatynyn qanaǵattanýshylyqpen aıtyp ketti. Atap aıtqanda, ol AÓSShK Іskerlik keńesi men Jastar keńesi basqarmasynyń otyrystarynyń, ekonomıkalyq jáne ekologııalyq ólshemder sheńberindegi birqatar is-sharalardyń, sondaı-aq epıdemıologııalyq qaýipsizdik salasyndaǵy konferentsııany qosa alǵanda, jańa syn-qaterler men qaýipterge qarsy kúres salasyndaǵy birqatar is-sharalardyń sátti ótkizilgenin jetkizdi.

ALTK otyrysy barysynda Túrikmenstanǵa AÓSShK baqylaýshy mártebesin berý týraly sheshim qabyldandy.

Sonymen qatar, is-shara barysynda BUU Bas hatshysynyń orynbasary - Terrorızmge qarsy kúres basqarmasynyń basshysy Vladımır Voronkovtyń Keńes sheńberinde talqylanyp otyrǵan BUU-nyń Jahandyq kontrterrorıstik strategııasyn iske asyrý jónindegi AÓSShK is-qımyl josparynyń mańyzdylyǵy týraly beıne úndeý jasady.

ALTK otyrysynyń qorytyndysy boıynsha 2021 jylǵy qazanda ótetin AÓSShK 6-shy mınıstrlik kezdesýi barysynda bekitý úshin AÓSShK Danalar keńesi týraly ereje jobasy kelisildi. Budan basqa, ALTK kelesi senim sharalarynda qosa úılestirýshilerdi bekitti: epıdemıologııalyq qaýipsizdik, qoǵamdyq densaýlyqty saqtaý jáne farmatsevtıka (Qytaı jáne Iordanııa), kólik dálizderiniń qaýipsiz jáne tıimdi júıeleriniń damýy (Qytaı), zalal apattardy basqarý (Bangladesh) jáne adamı ólshemi (Qytaı).