AÓK sýbektilerin qoldaý úshin 60 mlrd. teńge bıýdjettik nesıe bólý josparlanyp otyr - A.Mamytbekov

ASTANA. 25 aqpan. QazAqparat - Bıyl «QazAgro» holdıngi agroónerkásiptik keshen sýbektilerin qoldaý úshin 60 mlrd. teńge bıýdjettik nesıe bólýdi josparlap otyr.

Bul jóninde búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Aýyl sharýashylyǵy mınıstri Asyljan Mamytbekov málim etti.

Bul qarajat AÓK sýbektilerine kóktemgi dalalyq jáne egin orý jumystaryn uıymdastyrý úshin, olardan aýylsharýashylyq ónimderin satyp alýǵa, sondaı-aq jylyna 3% syıaqymen ÁKK qamtamasyz etý úshin baǵyttalatyn bolady.

«Qarjylandyrý máselesine toqtalatyn bolsaq, bıyl «QazAgro» holdıngine respýblıkalyq bıýdjetten nesıe esebinde 60 mlrd. teńge bólinip otyr. Bul nesıeniń negizgi maqsaty - aýyl sharýashylyǵy taýarlaryn óndirýshilerdi tikeleı nesıelendirý, mıkroqarjy uıymdaryn nesılendirý»,-deıdi mınıstr.