AÓK damytý úshin joǵary bilikti mamandar qajet
Osy maqsatta qazir ilkimdi ister men keleli keńester kestelenip jatyr. mamanEldegi aldyńǵy qatarly JOO agro sektordy damytý úshin sapaly kadr daıarlyǵyna bilek sybana kirisken.
«Memleket basshysynyń tapsyrmasyn júıeli túrde júzege asyrý úshin elge bilikti kadrlar qajet. Sondyqtan eldegi agro salaǵa kerekti mamandardy daıarlaıtyn JOO-y bilim berý baǵdarlamalaryna ózgeris engizip jatyr. Qazaq agrotehnıkalyq zertteý ýnıversıteti sol tizimde», - deıdi ekonomıka ǵylymdarynyń doktory, professor, QR UǴA akademıgi Qanat Tireýov.
AÓK-degi reformalar úshin joǵary bilikti jáne básekege qabiletti kadrlar qajet.
«Ýnıversıtette JOO-ny damytýdyń 2025-2029 jyldarǵa arnalǵan baǵdarlamasy ázirlendi. Agrarlyq baǵyttaǵy jetekshi joǵary oqý orny retinde bizdiń ýnıversıtet saıası, ekonomıkalyq, demografııalyq, tehnologııalyq faktorlardy eskere otyryp, «kadrlardy ozyq daıarlaý» qaǵıdaty boıynsha jumys isteıdi» – dep atap ótti Qanat Tireýov.
Ýnıversıtet rektorynyń sózinshe, atalǵan bilim ordasy ótken jyldan bastap jobalyq basqarýdyń halyqaralyq standarttaryn qoldana otyryp, álemdik deńgeıdegi ýnıversıtetke aınalý protsesin bastap ketken. Tipti, orta merzimdi perspektıvada álemniń úzdik 500 JOO-nyń qataryna kirý mindetin qoıǵan. Bul aýyl sharýashylyǵy jáne onymen baılanysty salalar úshin elıtalyq kadrlardy shyǵarý isine yqpalyn tıgizedi.
«Biz bilikti mamandardyń jańa legin daıarlaýǵa kiristik. Halyqaralyq deńgeıge kóterilý úshin 135 sheteldik ýnıversıtettermen kelisim jasadyq. Bul JOO Amerıka, Eýropa, Ońtústik-shyǵys Azııa jáne Tynyq muhıty óńirlerindegi ataqty bilim ordalary. Buǵan osy biz qosymsha 5 bilim berý baǵdarlamalaryn engizdik. Olar: «Agrobıotehnologııa», «jerge ornalastyrý jáne kadastr», «zamanaýı Landshafttyq sáýlet jáne qalalyq orta dızaıny», «Agrarlyq bıznes», «Veterınarııa» salalary», - deıdi professor.
Qazir aýylsharýashylyǵy mamandarynyń teń jartysyn Qazaqstandaǵy úsh birdeı joǵary oqý oryny oqytady. Budan bólek, eldiń 20 óńirinde kolledjder men orta bilip berý uıymdary jumys isteıdi. Biraq, agrarlyq salada kásibinen násip taýyp otyrǵan bıznesmender jas mamandarǵa tájirıbe jetipeıtinin alǵa tartady,-deıdi Qanat Tireýov.
Spıker onyń birneshe sebebi bar ekenin de tilge tıek etti. Professorlyq-oqytýshylyq quram men stýdentterdiń ozyq tehnologııalardy ıgerýdegi múmkindikteri shekteýli, ýnıversıtetterdiń eskirgen materıaldyq-tehnıkalyq bazasy, Praktıkalyq oqytýdyń jetkiliksiz kólemi. Buǵan jalaqynyń tómendigi, damymaǵan ınfraqurylym, qıyn eńbek jaǵdaılary saldarynan túlekterdiń aýyldyq jerlerde jumysqa ornalasýǵa degen qyzyǵýshylyǵynyń tómendigin qosýǵa bolatynyn da aıtty.
Zulqarnaı ERMURATULY