AÓІSShK Syrtqy ister mınıstrleri Aýǵanstanǵa qatysty málimdeme jasady
Bul týraly atalǵan keńes Syrtqy ister mınıstrleriniń 6-kezdesýinen keıin AÓІSShK hatshylyǵynyń atqarýshy dırektory Qaırat Sarybaı aıtty, dep habarlaıdy QazAqparat tilshisi.
«Syrtqy ister mınıstrleri Aýǵanstanǵa qatysty aýqymdy málimdeme qabyldady. Ol birneshe aspektini qamtıdy. Birinshi kezekte múshe memleketter Aýǵanstandaǵy beıbitshilik pen damýdy qalpyna keltirý AÓІSSh-niń barlyq óńiriniń qaýipsizdigi men turaqtylyǵy úshin basty jaǵdaı ekendigin bildirdi», - dedi ol BAQ ókilderine.
Jalpy, AÓІSShK hatshylyǵynyń atqarýshy dırektorynyń atap ótýinshe, kezdesýge kelgen delegatsııa basshylary Aýǵanstandaǵy ahýal ózderin qatty alańdatatyndyǵyn aıtqan.
«Kóshpeli kezeń qalaı tezirek aıaqtalsa, Aýǵanstan soǵurlym jyldam óńiraralyq protsesterge, ózara baılanys protsesterine qosylady. Sol arqyly eldiń órkendeý jolyna túskendigin erterek atap ótýge múmkindik týady», - dedi Qaırat Sarybaı.