Antýan Grızmann sońǵy bes jylda Frantsııa quramasynyń barlyq oıynynda alańǵa shyqty

ASTANA. QazAqparat - Shabýylshy Antýan Grızmann bes jyl boıy fýtboldan Frantsııa quramasynyń barlyq kezdesýinde oıyn kórsetip keledi, dep habarlaıdy QazAqparat tilshisi.

Ol búgin ulttyq quramanyń Týnıspen kezdesýinde 73-mınýtta jasyl alańǵa shyqty. Oıyn barysynda qarsylas qurama qaqpasyna gol soqqan edi. Oıynnan tys qaldy degen sheshimmen gol sanalǵan joq.

Kezdesý barysynda Frantsııa quramasy Týnıske 0:1 esebimen jol berdi.

Osylaısha shabýylshy ulttyq qurama sapyndaǵy 70-oıynyn ótkizdi. Ol sońǵy márte 2017 jyldyń maýsym aıynda qosalqy quramda qalyp qoıǵan bolatyn.

31 jastaǵy shabýylshy 2009 jyldan beri kásipqoı fýtbolda oıyn kórsetip keledi. Qazirge deıin Ispanııanyń «Real Sosedad», «Atletıko Madrıd», «Barselona» klýbtarynda dop tepti.

Ulttyq qurama sapynda 2014 jyldan beri 110 oıyn ótkizip úlgerdi.

Foto: Global Look Press