Antonıý Gýterrısh ekinshi merzimge BUU Bas hatshysy bolyp taǵaıyndaldy
20:21, 18 Maýsym 2021
MÁSKEÝ. TASS-QazAqparat – BUU Bas Assambleıasy juma kúngi otyrysta Antonıý Gýterrıshti dúnıejúzilik uıymnyń Bas hatshysy etip ekinshi merzimge taǵaıyndady. Tıisti sheshim týraly otyrysta BUU Bas Assambleıasynyń 75-shi sessııasynyń tóraǵasy Volkan Bozkyr málimdedi, dep habarlaıdy QazAqparat TASS agenttigine silteme jasap.
«Men 2022 jyldyń 1 qańtarynan bastap 2026 jyldyń 31 jeltoqsanyna deıin Antonıý Gýterrıshtiń BUU Bas hatshysy bolyp ekinshi merzimge taǵaıyndalǵanyn jarııalaý qurmetine ıe boldym», - dedi ol. Gýterrıshti taǵaıyndaý týraly qarar jalpyǵa birdeı maquldaýymen daýys berýsiz qabyldandy.
Taǵaıyndaý týraly habarlanǵannan keıin, Bozkyr syrtta sheshim kútip turǵan Gýterrıshti zalǵa shaqyryp, ant bergizdi.
Gýterrısh BUU Bas hatshysy qyzmetine jalǵyz úmitker boldy. Buǵan deıin ony dúnıejúzilik uıymnyń Qaýipsizdik Keńesi qoldaǵan. BUU Bas Assambleıasy Qaýipsizdik Keńesiniń usynystarymen bir ret qana 1950 jyly kelispegen bolatyn.
Aıta keteıik, BUU Bas hatshysy bes jyldyq merzimge saılanady.