Antıvakserlerdiń áreketin rastaıtyn ǵylymı derekter joq – teolog

ALMATY. QazAqparat- Ál-Farabı atyndaǵy QazUÝ aǵa oqytýshysy, dintaný doktoranty Elnar Berikbaev Óńirlik kommýnıkatsııalar qyzmetiniń brıfınginde ıslam ustanymy turǵysynan koronavırýsqa qarsy vaktsınalaý týraly suraqtarǵa jaýap berdi, dep habarlaıdy QazAqparat tilshisi.

Elnar Berikbaevtyń aıtýynsha, vaktsınaǵa qarsy adamdar keıde dinı senimdi qoldanady.

«Ádette, antıvakserlerdiń dálelderiniń kópshiligi ǵylymı derektermen rastalmaǵan. Al Qazaqstan azamattarynyń kópshiligi ózderin dindar sanaıtyndyqtan, dinı pikirtalastar halyq arasynda úndesedi», - deıdi sarapshy.

Spıker vaktsınalanýǵa qarsy qozǵalys Edvard Djenner 1796 jyly sheshekke qarsy alǵashqy vaktsınany jasaǵannan keıin kóp uzamaı paıda bolǵanyn atap ótti. Ol kezde vaktsınaǵa qarsy shyqqandardyń negizgi argýmentteri dinı senim boldy.

«Olar muny qudaıdyń taǵdyryna aralasýmen baılanystyrdy. Aıta ketsek, dinı vaktsınatsııadan bas tartý – vaktsınaǵa qarsy kóptegen sebepterdiń biri ǵana. Olardyń arasynda farmatsevtterdiń belgili qastandyq teorııasy bar»,-deıdi Ernar Berikbaev.

Dintanýshy vaktsınatsııadan bas tartýdy halyqtyń jekelegen segmentteriniń densaýlyq saqtaý júıesine senimsizdik tanytýymen baılanystyrady.

«Jaqynda Mańǵystaý oblysynda bolǵan oqıǵany eske túsirýge bolady. Segiz jasar bala velosıpedten qulap, qolyn syndyrdy, biraq onyń ata-anasy jedel járdemge emes, emshige júgindi, ol qolyn tekserip, tańyp bolǵan soń balany úıine jiberdi. Nátıjesinde qoldy kesýge týra keldi», - deıdi maman.

Ernar Berikbaev vaktsınanyń paıdasy týraly halyq arasynda keńinen nasıhattaý kerek dep sanaıdy.

«Dárigerler birinshi kezekte vaktsınalaný týraly aıtýy kerek. Sózderi adamdardyń sheshimderine áser etetin dinı qyzmetkerler, óz pikirin aıtpas buryn, máseleni medıtsınalyq turǵydan túsinýi, dárigerden keńes alýy tıis. Sodan keıin ǵana olar ótinishpen shyǵa alady», - dep atap ótti dintanýshy.