«Antıstrýmın» isi: Ózbekstan bas prokýratýrasy málimdeme jasady

<p>Resmı málimdemege sáıkes, Ózbekstannyń bas prokýratýrasy qylmystyq is júrgizý zańnamasy negizinde &laquo;Antıstrýmın&raquo; preparatyna qatysty qylmystyq is boıynsha aldyn ala tergeý júrgizip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform </a>Ózbekstan Bas prokýratýrasynyń <a href="https://web.telegram.org/a/#-1001246625963" target="_blank" rel="noopener">baspasóz </a>qyzmetine silteme jasap.&nbsp;</p>

Qazir bul qylmystyq is boıynsha tergeý aıaqtalmasa da, 3 áıeldiń ustalǵany týraly aqparat buqaralyq aqparat quraldarynda ártúrli túsindirmelermen taralyp jatyr.

Onda tergeýdiń obektıvti jáne beıtarap ótýine kedergi keltiretini atap ótilgen.

Sondyqtan Qylmystyq is júrgizý kodeksiniń talaptaryn negizge ala otyryp, jeke málimetterdi taratýǵa jáne tergeýge aralasýǵa zańmen tyıym salynǵany aıtylady.

Sondaı-aq ol BAQ ókilderi men áleýmettik jeli qoldanýshylaryn tergeý aıaqtalmaıynsha bul qylmystyq is týraly aqparatty áleýmettik jelilerde taratpaýǵa shaqyrdy.

«Tergeý nátıjesi qosymsha habarlanatyn bolady», - delingen Bas prokýratýranyń habarlamasynda.

Eske sala keteıik, buǵan deıin Ózbekstanda balalardy ıodpen qamtamasyz etý baǵdarlamasy bastalǵany habarlanǵan bolatyn.

Sondaı-aq Ózbekstanda 70-ten astam bala ýlanyp, aýrýhanaǵa túsken.