Antısanıtarııa, balalar edende uıyqtaıdy: Aqtóbede daý shyqqan balabaqsha jabyldy

<p>Aqtóbe qalasyndaǵy jeke balabaqsha ata-analardyń quqyq qorǵaý organdary men bilim salasyna jaýapty mekemelerge túsirgen aryzynan keıin mektepke deıingi mekemeniń qyzmeti toqtatylatyn boldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Aqtóbe qalasyndaǵy «Amır» balabaqshasyn qalalyq bilim bólimi janynan qurylǵan arnaıy komıssııa tekserip, memlekettik tapsyrysty toqtatýǵa sheshim qabyldady. Osy aralyqta quryltaıshysy da shuǵyl túrde balabaqshany japty.

««Amır» balabaqshasyna qalalyq bilim bóliminde qurylǵan arnaıy komıssııa zerdeleý jumysyn júrgizdi. Onyń qorytyndysymen bul balabaqshada memlekettik qyzmet kórsetý sapasy, jalpy bilim jáne balaǵa jasalǵan jaǵdaı boıynsha memlekettik tapsyrys berýdi toqtatý boıynsha usynym berildi.

Quryltaıshy búginnen bastap balabaqsha óz qyzmetin toqtatatynyn habarlady. Osy balabaqshaǵa memlekettik tapsyryspen baryp júrgen balalardy ata-analardyń kelisimimen basqa balabaqshaǵa ornalastyrý josparlanyp otyr. Al balabaqshany jabý quryltaıshynyń óz sheshimi. Ata-analar birneshe quqyqbuzýshylyq bar dep aryz túsirgeni belgili. Aryzdaǵy kóptegen jaılardy bilim basqarmasynyń anyqtaýyna múmkin bolmady. Sebebi balabaqshadaǵy beınekamera túsirilimin quqyqqorǵaýshylar alǵan. Qazir zerdelenip jatyr. Qalalyq prokýratýra, oblystyq Polıtsııa departamenti, oblystyq Sanıtarııalyq-epıdemıologııalyq departamenti de tekserip jatyr. Qorytyndysy ázirge belgisiz», - dedi oblystyq bilim basqarmasy basshysynyń orynbasary Nurgúl Bertileýova.

Eske salaıyq, Aqtóbe qalasyndaǵy memlekettik-jekeshelik seriktestik shartymen jumys isteıtin «Amır» jeke balabaqshanyń ústinen ata-analar shaǵym túsirgenin keshe jazǵan bolatynbyz. Olar balalary edende uıyqtaıtynyn, mekemede jaraqat alatynyn, nysanda sanıtarııalyq talap saqtalmaǵanyn aıtyp, polıtsııaǵa, prokýratýraǵa, oblystyq Sanıtarııalyq-epıdemıologııalyq baqylaý departamentine aryzdandy.