Antıkordyń aralasýynan soń Іle aýdanynda úıge gaz kirgizý baǵasy aıtarlyqtaı arzandady

NUR-SULTAN. QazAqparat - Іle aýdany Qoıanqus aýylynyń turǵyndary úılerdi gazǵa qosý qunynyń joǵary ekenin birneshe ret kóterdi, dep habarlaıdy QazAqparat QR Sybaılas jemqorlyqqar qarsy is-qımyl agenttiginiń baspasóz qyzmetine silteme jasap.

Baspasóz qyzmeti taratqan aqparatqa qaraǵanda, aýdanda gazdandyrýdy «QazTransGaz-Aımaq» AQ Almaty óndiristik fılıaly júzege asyrady. Kompanııa eldi mekenge deıin gazdandyrýdy júrgizedi, al aýyldardaǵy ishki gaz qubyrlaryn osyǵan arnaıy lıtsenzııasy bar jeke kompanııalar qosady.

Qoıanqus aýylynda «Er-kaı» JShS kompanııasy jumys júrgizedi. Ár úıge gaz qosý tarıfi olardyń smetasy boıynsha 1 mln teńgege deıingi somany qamtıdy.

Sybaılas jemqorlyqqa qarsy qyzmet aýdannyń jergilikti atqarýshy organdarymen birge Almaty oblysynyń gaz sharýashylyǵy ókilderimen kezdeskennen keıin másele oń sheshimin tapty.

«Qoıanqus aýylynda gazdandyrý buryn josparlanǵannan eki ese tómen baǵamen - 425 myń teńgeden júrgiziledi. Sonymen qatar, aýyl turǵyndaryna gazdy qosý baǵasyn bólip tóleý múmkindigi berildi»,-delingen habarlamada.

Foto: infosmi.net