Antıkor Jetisýdyń bilim salasyndaǵy jemqorlyqty anyqtaý úshin halyqtan shaǵym jınap jatyr

TALDYQORǴAN. QazAqparat - Jetisý oblysynda antıkor qyzmeti bilim salasyndaǵy jemqorlyq faktilerin anyqtaý úshin halyqtyń shaǵymyn jınaýǵa kiristi. Turǵyndar osy salaǵa qatysty faktilerin arnaıy kórsetken mekenjaıǵa baryp aryz retinde qaldyra alady nemese kórsetilgen poshtaǵa joldaıdy, sondaı-aq uıaly telefon nomerine habarlasa alady, dep habarlaıdy QazAqparat tilshisi.

Osy maqsatta Jetisý oblysynyń antıkor qyzmeti bilim berý salasyndaǵy sybaılas jemqorlyq táýekelderine syrtqy taldaýdy bastady.

«QR Sybaılas jemqorlyqqa qarsy is-qımyl agenttiginiń Jetisý oblys boıynsha departamenti 27 sáýirden bastap memlekettik bilim berý uıymdarynyń qyzmetindegi sybaılas jemqorlyq táýekelderine syrtqy taldaýdy bastady.

Departament pen bilim basqarmasy basshylarynyń birlesken buıryǵyna qol qoıyldy.

Osy másele boıynsha jumys tobyna qoǵam jáne birqatar basqa organ ókilderi kirdi.

«Eger sizde bilim salasyndaǵy sybaılas jemqorlyq faktileri týraly naqty aqparat bolsa, Taldyqorǵan qalasy, Qabanbaı batyr kóshesi, 36/42 mekenjaıynda ornalasqan Antıkor ortalyǵyna, jeke paraqshaǵa nemese elektrondy mekenjaıǵa habarlasýǵa bolady [e-mail]. Qurmetti oblys turǵyndary, qoǵamda sybaılas jemqorlyqqa qarsy mádenıetti qalyptastyrý úshin árbir azamattyń pikiri mańyzdy, sybaılas jemqorlyq táýekelderin anyqtaýda belsendilik tanytýǵa jáne óz úlesińizdi qosýǵa shaqyramyz»,- delingen atalǵan vedomstvo habarlamasynda.

Barlyq suraqtar boıynsha 8-7282-609-836, 8-705-871-87-87 telefondaryna habarlasýǵa bolady.