Antıkor tóraǵasynyń jańa orynbasarlary taǵaıyndaldy

<p>Memleket basshysy Qasym-Jomart Toqaevtyń ókimimen Ulan Sarqulov pen Maqsat Jebegenov jańa qyzmetke taǵaıyndaldy. <a href="https://kaz.inform.kz/" target="_blank" rel="noopener">Kazinform</a>&nbsp;bul týraly Aqordaǵa silteme jasap habarlaıdy.</p>

Ulan Serikuly Sarqulov QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmettiń) tóraǵasynyń birinshi orynbasary bolyp taǵaıyndaldy, ol burynǵy atqarǵan laýazymynan bosatyldy;

Maqsat Myrzahanuly Jebegenov QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmettiń) tóraǵasynyń orynbasary laýazymyna taǵaıyndaldy.

Ulan Sarqulov 1980 jyly týǵan. 2002 jyly Reseı Federatsııasynyń Federaldyq qaýipsizdik qyzmetiniń akademııasyn – «zańger», 2008 jyly Reseı Federatsııasy Prezıdentiniń janyndaǵy Reseı memlekettik basqarý akademııasyn «memlekettik jáne mýnıtsıpaldy basqarý» mamandyqtary boıynsha bitirgen.

2004-2006 jyldary Qazaqstannyń Reseıdegi Elshiliginiń attashesi jáne úshinshi hatshysy qyzmetterin atqardy.

2006 – 2011 jyldar aralyǵynda Aqtaý qalasy ákimi apparatynda, Mańǵystaý oblysy ákimi apparatynda jumys istedi.

2013-2015 jyldar aralyǵynda QR Prezıdenti Ákimshiliginiń bólim meńgerýshisi, Parlament Apparatynyń sharýashylyq bólimi meńgerýshisiniń orynbasary boldy.

2015 – 2017 jyldary «Aqtóbe oblysynyń memlekettik satyp alýlar basqarmasy» memlekettik mekemesin basqardy, Kókshetaý qalasy ákiminiń orynbasary qyzmetin atqardy.

2022 jylǵy 21 sáýirden osy taǵaıyndaýǵa deıin QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) tóraǵasynyń orynbasary boldy.

Maqsat Jebegenov QR Ulttyq qaýipsizdik komıtetiniń akademııasyn «quqyqtaný» mamandyǵy boıynsha bitirgen

2002-2022 jyldar kezeńinde ulttyq qaýipsizdik organdarynda, onyń ishinde Almaty oblysy boıynsha UQK departamentiniń túrli basshylyq laýazymdarynda qyzmet atqardy.

2022 jylǵy 24 mamyr men 28 shilde aralyǵynda Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Almaty oblysy boıynsha departamentiniń basshysy qyzmetine taǵaıyndaldy.

2022 jylǵy 28 shildeden osy taǵaıyndaýǵa deıin QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Jetisý oblysy boıynsha departamentiniń basshysy boldy.