Antıkor Sybaılas jemqorlyqqa qarsy kúres jónindegi organdardyń halyqaralyq qaýymdastyǵyna endi

<p>ASTANA. KAZINFORM &ndash; Bıylǵy 22-24 mamyr aralyǵynda QR Sybaılas jemqorlyqqa qarsy is-qımyl agenttiginiń tóraǵasy Ashat Jumaǵalı bastaǵan delegatsııa Gonkongta ótip jatqan &laquo;Jemqorlyqqa qarsy kúrestiń jańa jolyn jobalaý&raquo; atty 8-shi sımpozıýmǵa qatysty.&nbsp;</p>

Іs-shara Sybaılas jemqorlyqqa qarsy organnyń – Gonkongtyń Sybaılas jemqorlyqqa qarsy kúres jónindegi Táýelsiz komıssııasynyń qurylǵanyna 50 jyl tolýyna arnalǵan. Oǵan álemniń 60-tan astam eliniń halyqaralyq uıymdary men sybaılas jemqorlyqqa qarsy vedomstvolarynyń ókilderi qatysty. Sybaılas jemqorlyqqa qarsy is-qımyldaǵy zamanaýı syn-qaterler, isterdi tergeý jáne jemqorlyq táýekelderin anyqtaý kezinde jańa aqparattyq tehnologııalar men jasandy ıntellektti qoldaný, jemqorlyqqa qarsy bilim berý jáne aǵartý máseleleri, jastardyń jemqorlyqqa qarsy is-áreketterge tartylýy talqylanyp, jemqorlyqqa qarsy kúrestegi ozyq tájirıbeler tanystyryldy.

«Konferentsııa aıasynda Agenttik tóraǵasy A. Jumaǵalı Gonkongtyń Sybaılas jemqorlyqqa qarsy kúres jónindegi Táýelsiz Komıssııasynyń basshysy Dennı Vý myrzamen kezdesti. A. Jumaǵalı Agenttiktiń qyzmeti jáne jemqorlyqqa qarsy is-qımyl boıynsha qabyldanyp jatqan sharalardy tanystyryp, organnyń BUU EQB Óńirlik platformasyn qurý jáne Astana qalasynda konferentsııa ótkizý jónindegi bastamalary týraly aıtty. Kezdesý qorytyndysy boıynsha ózara túsinistik týraly memorandýmǵa qol qoıyldy. Qujat quqyqtyq kómek kórsetý, aktıvterdi qaıtarý, adamdardy izdestirý, bıýdjet qarajatyn maqsatty paıdalaný men satyp alý monıtorıngi, jasandy ıntellektti qosa alǵanda, sybaılas jemqorlyqqa qarsy kúreste jańa tehnologııalardy engizý máselelerinde áriptestikti nyǵaıtýǵa baǵyttalǵan. Sondaı-aq, Komıssııanyń shaqyrýy boıynsha Qazaqstan Agenttigi sybaılas jemqorlyqqa qarsy kúres jónindegi organdardyń halyqaralyq qaýymdastyǵyna resmı túrde endi», - delingen vedomstvo aqparatynda.

Bul óz kezeginde sheteldik áriptestermen ózara is-qımyldy edáýir keńeıtýge múmkindik beredi, ozyq tájirıbe men bilim almasýǵa yqpal etedi.

Sonymen qatar A. Jumaǵalı sımpozıým aıasynda BUU ókilderimen, sondaı-aq Malaızııa, Saýd Arabııasy, Sıngapýr, Ońtústik Koreıanyń jemqorlyqqa qarsy vedomstvolarynyń basshylarymen kezdesip, aldaǵy yntymaqtastyq perspektıvalaryn talqylady.