Antıkor pavlodarlyq kásipkerlerdiń 160 mln teńgeden astam qarajatqa shyǵyndalýyna jol bermedi

<p>&nbsp; PAVLODAR. KAZINFORM &mdash; Pavlodar oblysy boıynsha sybaılas jemqorlyqqa qarsy qyzmet departamenti bıznesti qorǵaý boıynsha turaqty jumys júrgizip otyr. Antıkor qyzmetkerleri &laquo;Bızneske jol&raquo; jobasyn iske asyrý sheńberinde, óńir kásipkerleriniń 167 mln teńge shyǵynǵa urynýynyń aldyn aldy.</p>

Bul týraly sybaılas jemqorlyqqa qarsy qyzmet departamentinen habarlady.

«Kásipkerlik qyzmetke kedergi jasaý faktileri bolǵan jaǵdaıda, sondaı-aq kásipkerlerge qatysty memlekettik organdar men kvazımemlekettik uıymdar tarapynan tyıym salý-shekteý sıpatyndaǵy ózge de sharalardy qabyldaý máseleleri bola qalǵan jaǵdaıda bizdiń mekeme qyzmetkerleri tıisti jumystardy júrgizip keledi. Mysal úshin departament „Bızneske jol“ jobasyn iske asyrý sheńberinde bıylǵy jyldyń ekinshi toqsanynda óńir kásipkerleriniń jalpy somasy 167 mln teńge shyǵynynyń aldyn aldy. Memlekettik satyp alý sharty sheńberinde 13 kvazımemlekettik sektor sýbektileriniń kásipker aldyndaǵy mindettemelerin oryndaýy qamtamasyz etildi», - dep málimdedi antıkor qyzmetinen.

Máselen, departamentke mektepke deıingi 13 bilim berý uıymy kúzet agenttigine 6 755 787 teńge qaryz bolyp otyrǵany týraly antıkor eriktiilerinen shaǵym túsken. Al salystyrý aktinde ózara eseptesýler tolyq kólemde jasalyp qoıǵany kórsetilgen. Antıkordyń aralasýymen másele sheshildi.

Eske sala keteıik, elimizdiń áleýmettik salasynda 95 jemqorlyq qylmys tirkelgen.