Antıkor Nurlan Shabdardyń atyndaǵy qymbat vılla týraly pikir bildirdi

<p>ASTANA. KAZINFORM &ndash; Sybaılas jemqorlyqqa qarsy is-qımyl agenttigi tóraǵasynyń birinshi orynbasary Ulan Sarqulov áriptesiniń atyndaǵy qymbat vılla týraly aqparatqa pikir bildirdi.</p>

«Vyhod k morıý» Telegramm-arnasy Sybaılas jemqorlyqqa qarsy is-qımyl agenttigi tóraǵasynyń orynbasary, Ulttyq qaýipsizdik komıtetiniń burynǵy tóraǵasy Amangeldi Shabdarbaevtyń uly Nurlan Shabdardyń atynda Bolgarııadaǵy qymbat vılla bar ekenin jazǵan bolatyn.

«Ol jarııalanǵan materıaldy biz de kórdik. Ol máselemen tıisti bólimshemiz aınalysyp jatyr. Birden aıtqym keledi, eger múlik deklaratsııada kórsetilgen bolsa, tıisti jolmen tirkelgen bolsa zań talaptaryna baǵyný kerektigin túsinýimiz qajet. Bireý bıznespen aınalysty, bireý basqa degendeı. Menshik quqyǵyn qurmetteýimiz kerek. Bul máseleni zertteımiz», - dedi agenttik ókili.

«Vıllanyń kimge tıesili ekenin anyqtadyńyzdar ma?», - degen suraqqa Ulan Sarqulov naqty jaýap bermedi.

«Qazir biz kim kimniń qaıda jumys isteıtinine, kim ekenine qaramastan quqyqtyq baǵa beremiz», - dedi ol.