Antıkor Myrzahmetovtiń isi boıynsha memleketke qosymsha 7 mlrd teńge qaıtardy

<p>ASTANA. KAZINFORM &ndash; Qazaqstan Sybaılas jemqorlyqqa qarsy is-qımyl agenttigi Memleket basshysynyń tapsyrmasyn oryndaý maqsatynda zańsyz satyp alynǵan aktıvterdi qaıtarý boıynsha turaqty negizde jumys júrgizip jatyr.</p>

Qazirgi ýaqytta «Atameken» Ulttyq kásipkerler palatasynyń burynǵy tóraǵasy A.I.Myrzahmetovke qatysty sotqa deıingi tergep-tekserý boıynsha memleket kirisine 7 mlrd teńge somasynda zańsyz alynǵan aqshalaı qarajat aýdaryldy.

Áleýmettik ádilettilikti qalpyna keltirýge jáne memleketke qaıtarylǵan aktıvterdi eldi damytý maqsatynda paıdalanýǵa baǵyttalǵan bul jumystyń mańyzdylyǵyn atap ótken jón. Jalpy, jyl basynan bastap Sybaılas jemqorlyqqa qarsy qyzmet aıaqtalǵan qylmystyq ister sheńberinde shamamen 195 mlrd teńgeni ótedi.

«Sońǵy 2,5 jylda, onyń ishinde olıgopolııalar tarapynan Qazaqstan halqyna 1,09 trln teńge qaıtaryldy. Osy baǵyt boıynsha jumys jalǵasyp jatyr jáne agenttiktiń erekshe baqylaýynda», - delingen agenttik habarlamasynda.

Aıta keteıik, 10  mamyrda «Atameken» Ulttyq kásipkerler palatasy basqarmasynyń eks-tóraǵasy Abylaı Myrzahmetov ustaldy.

Ol alaıaqtyq pen kásipkerdi onyń týysyn qylmystyq jaýapkershilikten bosatýǵa járdemdeskeni úshin asa iri kólemde para berýge ıtermelegen degen kúdikke ilindi.

Ádilet vıtse-mınıstri Botagóz Jaqselekova «Atameken» Ulttyq kásipkerler palatasy basqarmasynyń eks-tóraǵasy Abylaı Myrzahmetovtiń ustalýyna qatysty pikir bildirdi.

Abylaı Myrzahmetov isi sotqa joldandy.

Elordada «Atameken» ulttyq kásipkerler palatasy basqarmasynyń eks-tóraǵasy Abylaı Myrzahmetovtiń isi boıynsha aldyn ala tyńdaý boldy.

Prokýror sotty jabyq rejımde ótkizýdi usyndy.

Atameken» ulttyq kásipkerler palatasynyń burynǵy basshysy Abylaı Myrzahmetovtiń isi jabyq qaralady. 

Abylaı Myrzahmetov 5 jylǵa bas bostandyǵynan aıyryldy.