Antıkor qyzmetkerimin dep eldi aldaǵan alaıaq 80 mln teńgeni jymqyrǵan

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi qyzmetkeriniń atyn jamylǵan alaıaq el azamattaryn 80 mln teńgege taqyrǵa otyrǵyzdy. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń aǵa tergeýshisi Qaısar Barjaqsynov aıtty, dep habarlaıdy QazAqparat tilshisi.

«Sybaılas jemqorlyqqa qarsy qyzmet 2019 jyldan bastap 2020 jylǵa deıingi aralyqta Sybaılas jemqorlyqqa qarsy agenttiktiń qyzmetkeri retinde tanysyp, respýblıka aýmaǵynda birqatar alaıaqtyq áreket jasaǵan azamat A. atty azamatqa qatysty sotqa deıingi tergeýdi bastady. Ol memlekettik basqarý salasyndaǵy máselelerdi oń sheshý úshin azamattardy aldap, 80 mln teńge somasynda aqsha aldy degen kúdikke ilindi», - dedi Qaısar Barjaqsynov agenttiktiń baspasóz qyzmeti alańynda ótken brıfıng barysynda.

Onyń aıtýynsha, QR Qylmystyq is júrgizý kodeksiniń 201-babyna sáıkes tergeý múddesi úshin ózge aqparat jarııalanbaıdy.