Antıkor qyzmetkerimen kelisip berem dep elden aqsha alǵan azamat ustaldy
18:48, 18 Naýryz 2022
NUR-SULTAN. QazAqparat - Alaıaqtyq jáne aıdap salý arqyly 35 myń AQSh dollary men 1 mln teńgeni qaltasyna basqan azamat ustaldy, dep habarlaıdy QazAqparat.
16 naýryzda Sybaılas jemqorlyqqa qarsy is-qımyl agenttiginiń jeke qaýipsizdik departamenti alaıaqtyq jolmen jáne aıdap salý arqyly B. degen azamattyń 35 000 AQSh dollary jáne 1 mıllıon teńge somasyndaǵy aqshasyn alǵan T-ny áshkereledi.
T. bul somany kúdiktini qylmystyq jaýapkershilikten bosatý úshin sybaılas jemqorlyqqa qarsy qyzmet qyzmetkerine berem dep aldaǵan.
18 naýryzda T. ustalyp, qamaldy. Sotqa deıingi tergeý amaldary júrip jatyr.
«Ózge aqparat tergeý múddesine baılanysty jarııalanbaıdy. Sybaılas jemqorlyqqa qarsy qyzmet jemqorlyqqa qarsy ymyrasyz kúres júrgizedi, onyń ishinde óz qataryndaǵy jemqorlyqty da áshkereleıdi» delingen habarlamada.