Antıkor QazAvtoJoldyń barlyq jol-paıdalaný ýchaskelerin tekserip jatyr

ASTANA. QazAqparat - Memleket basshysynyń «QazAvtoJol» UK» AQ men «Kazahavtodor«JShS biryńǵaı jol kompanııasyna biriktirý jumystary aıasynda»QazAvtoJol«UK» AQ ishki aýdıt qyzmeti sybaılas jemqorlyqqa qarsy komplaens-qyzmetimen birlesip, barlyq jol-paıdalaný ýchaskeleri men pýnktteriniń qyzmetin tekserýde, dep habarlaıdy QazAqparat.

Іshki tekseris barysynda birqatar JPÝ basshylarynyń jumysynda buzýshylyqtar anyqtaldy. Tekseris tolyq aıaqtalyp, anyqtalǵan faktiler rastalǵan jaǵdaıda, JPÝ basshylaryna Qazaqstan Respýblıkasynyń Eńbek zańnamasyna sáıkes shara qabyldanady. Anyqtalǵan faktiler boıynsha quzyretti organdar da qosymsha habardar etiledi.

Іshki tekseris tómendegi tarmaqtardy qamtıdy:

🔹óndiristik qujattamany rásimdeý;

🔹janar-jaǵar maıdy esepten shyǵarý;

🔹jol paraqtaryn rásimdeý;

🔹JPÝ basshylarynyń qyzmetkerlerdiń eńbek pen oryndaýshylyq tártibin qadaǵalaýy;

🔹kúndelikti jumysqa esh qatysy joq mamandardy tirkeý faktileri jáne t.b.

Barlyq jol-paıdalaný ýchaskeleriniń qyzmetkerleri jumys oryndarynda, kúre joldardy kútip-ustaý jumystary qalypty rejımde júzege asyp jatyr.

Sonymen qatar byltyrdan bastap sybaılas jemqorlyq táýekelderin tolyǵymen joıý úshin «QazAvtoJol»UK«AQ jumys protsesterin tolyq tsıfrlandyrýdy qolǵa alǵanyn aıta ketken jón.