Antıkor «Fokker-100» ushaǵynyń apatyna baılanysty qylmystyq isti tergep jatyr

ASTANA. QazAqparat – Astanadaǵy sybaılas jemqorlyqqa qarsy is-qımyl departamenti Azamattyq avıatsııa komıteti qyzmetkerleriniń ústinen «Fokker-100» ushaǵynyń Almaty irgesindegi apatyna baılanysty qylmystyq isti tergep jatyr, dep habarlaıdy QazAqparat tilshisi.

Bul jaıynda QR Bas prokýrory Berik Asylovtyń Májilis depýtattarynyń saýalyna joldaǵan jaýabynda aıtylǵan.

«Astanadaǵy sybaılas jemqorlyqqa qarsy is-qımyl departamenti Azamattyq avıatsııa komıteti qyzmetkerleriniń ústinen Qylmystyq kodekstiń 370-baby 4-bóliginiń 1-tarmaǵy (qyzmettegi əreketsizdik) boıynsha 2018 jyly «Fokker-100» ushaǵynyń apatqa ushyraýyna əkep soqqan Almaty qalasy əýe aılaǵynyń ushýǵa jaramdylyǵy sertıfıkatyn zańsyz berý jónindegi qylmystyq isti tergep-tekserýde. Laýazymdy adamdardyń is-əreketterine túpkilikti baǵalaý tergeý qorytyndysy boıynsha beriletin bolady», - dep jazylǵan jaýapta.

Eske salsaq, byltyr sáýir aıynda QR Indýstrııa jáne ınfraqurylymdyq damý mınıstrliginiń baspasóz qyzmeti Bek Air áýe kompanııasynyń Fokker-100 áýe kemesine qatysty oryn alǵan avıatsııalyq oqıǵany tekserý jumystary aıaqtalǵanyn málim etken edi.

Al 2021 jyldyń mamyrynda Almatydaǵy áýe aılaǵynyń mańaıynda jerdi zańsyz satqandar sottalǵan bolatyn.

Almaty áýejaıy apatqa ushyraǵan «Bek Air» ushaǵynyń sońǵy sátteriniń hronologııasyn jarııalady.