Antıkor basshysynyń burynǵy orynbasary Maqsat Qojabaev 5,5 jylǵa sottaldy

<p>Shymkentte asa iri kólemde alaıaqtyq jasady dep aıyptalǵan burynǵy qala prokýrory, Antıkor basshysynyń burynǵy orynbasary Maqsat Qojabaevqa sot úkimi shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Shymkent qalasynyń qylmystyq ister jónindegi mamandandyrylǵan aýdanaralyq sotynda QR QK 190-babynyń 4-bóliginiń 2-tarmaǵymen aıyptalǵan Maqsat Qojabaev 5,5 jylǵa bas bostandyǵynan aıyryldy.

Foto: Irına Galýshko/Kazinform

Aıta keteıik, 2023 jylǵy 9 qańtarda Ulttyq qaýipsizdik komıteti sotqa deıingi tergeý aıasynda jemqorlyq jasady degen kúdikpen quqyq qorǵaý organdarynyń burynǵy joǵary laýazymdy qyzmetkeri M.Qojabaevty ustaǵan bolatyn.

Esterińizge sala ketsek, 2022 jyldyń 21 sáýirinde Memleket basshysynyń ókimimen Maqsat Qojabaev Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmettiń) tóraǵasynyń orynbasary laýazymynan bosatylǵan.

Ol bul qyzmetke 2021 jyly 2 shildede taǵaıyndalǵan bolatyn.