Antıkor azyq-túlik qaýipsizdigine baılanysty jedel keńes ótkizdi
Bul týraly Kaziform Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.
«Prezıdent sýbsıdııalar men aýyl sharýashylyǵy jerlerin bólý kezinde jemqorlyqqa qarsy is-qımyl jónindegi jumysty jalǵastyrýdy tapsyrdy. Bizdiń tarapymyzdan aýyl sharýashylyǵyn damytýǵa bólinetin bıýdjet qarajatyn súıemeldeý boıynsha tıisti reaktsııa qajet. Sondyqtan áriptesterimizdiń, ásirese azyq-túlik bazalary, astyq jáne basqa da aýyl sharýashylyǵy ónimderin saqtaýǵa arnalǵan elevatorlar ornalasqan óńirlerge nazar aýdarýlaryńyzdy suraımyn», - dep atap ótti agenttik tóraǵasy Ashat Jumaǵalı.
Esterińizge sala keteıik, buǵan deıin Antıkor Aýyl sharýashylyǵy salasyndaǵy jemqorlyq táýekelderine syrtqy taldaý júrgizgen bolatyn. Júıeli jemqorlyq táýekelderi ashyldy. Aýyl sharýashylyǵy mınıstrligine olardy joıý boıynsha 170 usynys berildi.
Taldaý nátıjeleri boıynsha 2021-22 jyldary sýbsıdııalaý salasynda 130 qylmystyq is tergeldi. 96 adam qylmystyq jaýapqa tartyldy. Onyń ishinde 18 túrli deńgeıdegi basshylar bar.
Ashat Jumaǵalıdiń aıtýynsha, agroónerkásiptik keshende memlekettik qoldaý sharalaryn tıimdi paıdalaný máselesi ózekti bolyp qala beredi. Sondyqtan aýyl sharýashylyǵy salasy elimizdiń kóptegen óńirlerindegi jemqorlyq táýekelderiniń kartasyna kiredi. Aýyl sharýashylyǵy taýar óndirýshilerdiń qajettilikteri úshin bólinetin bıýdjettiń nysanaly maqsatynyń tıimdiligin qadaǵalaý mańyzdy.
«Bıýdjet qarajatyn ıgerý protsesterine monıtorıng júrgizý qajet. Aýyl sharýashylyǵy taýar óndirýshilerdiń qajettilikteri úshin alynǵan aqsha maqsaty boıynsha paıdalanylýy tıis», - dep qorytyndylady Antıkor basshysy.
Sybaılas jemqorlyqqa qarsy qyzmettiń aýmaqtyq departamentterine elimizdiń azyq-túlik qaýipsizdigin qamtamasyz etýge baǵyttalǵan bıýdjet qarajatynyń jumsalýyna muqııat monıtorıng júrgizý tapsyryldy.