Antıkor azyq-túlik baǵasyn ósirý kezindegi jemqorlyqty erekshe baqylaýǵa alady

<p>ASTANA. KAZINFORM - Antıkorda jemqorlyqqa qarsy is-qımyldyń jekelegen máseleleri, onyń ishinde azyq-túlik qaýipsizdigin qamtamasyz etý boıynsha májilis ótti.&nbsp;</p>

Agenttik tóraǵasy Ashat Jumaǵalı maýsymaralyq kezeńde Úkimet áleýmettik mańyzy bar azyq-túlik ónimderiniń baǵasyn ustap turýǵa jáne turaqtandyrýǵa baǵyttalǵan birqatar sharalar qabyldap jatqanyn atap ótti.

Bul másele ásirese sý tasqynynan zardap shekken aımaqtar úshin ózekti. 

Atap aıtqanda, Ózbekstan men Tájikstannan jetkizýshilerden azyq-túlik aýyl sharýashylyǵy taýarlaryn tikeleı jetkizý múmkindikteri pysyqtaldy.

Taýarlar tikeleı qazaqstandyq naryqqa deldaldarsyz jáne alyp satýshylarsyz jáne neǵurlym qoljetimdi baǵamen jetkiziletin bolady.

Osyǵan baılanysty, A. Jumaǵalı aýmaqtyq bólimshelerge jemqorlyq táýekelderi men kórinisterin boldyrmaý maqsatynda atalǵan protsesterge monıtorıng júrgizýdi tapsyrdy.

Sybaılas jemqorlyqqa qarsy qyzmet organdary kez kelgen jemqorlyq quqyq buzýshylyqtardyń, onyń ishinde zańsyz paıda alýǵa baǵyttalǵan túrli quqyqqa qarsy shemalardy qurýǵa baılanysty quqyq buzýshylyqtardyń jolyn kesedi.

Baǵa belgileýge teris áser etetin jemqorlyq faktorlaryna, onyń ishinde taraptardyń úlestestigine, memlekettik apparat tarapynan negizsiz ákimshilik kedergiler qurýǵa, naryqqa josyqsyz qatysýshylar tarapynan aıla-sharǵy jasaýǵa jáne teris paıdalanýǵa erekshe nazar aýdarylady. 

Sybaılas jemqorlyqqa qarsy qyzmet basshysy bul jumystyń mańyzyn atap ótip, atalǵan máselelerdi erekshe baqylaýda ustaýdy tapsyrdy.