Antıkor Atyraýdaǵy 8 nysannyń qurylysyn baqylaýǵa aldy

<p>Atyraý oblysynda jemqorlyq táýekeli bolýy múmkin kartasyna engen 8 nysan bar. Antıkor bul nysandardyń qurylysy baqylaýǵa aldy, dep <a href="Kazinform." target="_blank" rel="noopener">Kazinform.&nbsp;</a></p>

Sybaılas jemqorlyqqa qarsy is-qımyl agenttigi preventsııa qyzmetiniń basshysy Saıan Ahmetjanovtyń aıtýynsha, Antıkordyń basty mindeti – bıýdjet qarajatyn jymqyrýǵa jol bermeý. 

«Atyraý oblysynda jemqorlyq táýekeli kartasyna 8 nysan engizilip otyr. Bul – Qyzylqoǵa jáne Mahambet aýdandaryndaǵy mádenıet úıleri, Isataı men Maqat aýdandaryndaǵy 60 páterlik turǵyn úıler, Inder aýdanyndaǵy 80 páterli turǵyn úı, Talǵaırań aýylyndaǵy 9 qabatty 90 páterli turǵyn úı, káriz jáne sýmen jabdyqtaýdyń ınjenerlik jelilerin salý qurylys. Isataı aýdany Aqqystaý aýylyndaǵy órt sóndirý deposynyń qurylysy da atalǵan kartaǵa engizildi. Bıýdjet qarajatyn jymqyrýǵa jol bermeý úshin atalǵan nysandarǵa monıtorıng júrgiziledi. Monıtorıngtik topqa sybaılas jemqorlyqqa qarsy eriktiler de, jurtshylyq ta qosyldy», - deıdi Saıan Ahmetjanov. 

Agenttik ókili Talǵaırań aýylynda salynyp jatqan nysandardyń qurylysyn baqylady. Oǵan tapsyrys berýshiler men merdiger mekemelerdiń ókilderi qatysty. 

Eske sala ketelik, buǵan deıin Atyraýdaǵy aýrýhanalardyń ashanasy sanıtarlyq talapqa saı emestigin habarlaǵan bolatynbyz.