Antıkor Astana bankiniń burynǵy aktsıoneri Oljas Toqtarovty jaýap alýǵa shaqyrdy

<p>ASTANA. KAZINFORM &ndash; Qazaqstan Respýblıkasynyń Sybaılas jemqorlyqqa qarsy is-qımyl agenttigi &laquo;Astana banki&raquo; AQ burynǵy majorıtarlyq aktsıoneri Oljas Toqtarovqa jáne ózge de tulǵalarǵa qatysty bank aktıvterin jalǵan agenttik qyzmetter kórsetý jáne baqylaýyndaǵy &laquo;SKK Tennasy Group&raquo; JShS paıdasyna Almaty qalasy Qobdolov k-si 22 &laquo;B&raquo; bıznes-ortalyq ǵımaratyn zańsyz ıelikten shyǵarý arqyly asa iri mólsherde jymqyrý faktisi boıynsha qylmystyq isti tergeýde.</p>

«Qazirgi ýaqytta tergeý nátıjesinde aýyr qylmys jasaýda jınalǵan dáleldemeler kúdikti O.Toqtarovtyń áreketterin QR QK 28-b. 3-b., 189-b. 4-b. 2-t. jáne 189-b. 4-b. 2-t. boıynsha saralaýǵa múmkindik berdi.

QR QPK-niń 208-babynyń 1-bóligine sáıkes kúdikti jaýap alýǵa shaqyrylady», — dep málimdedi Antıkordan.

Alaıda, kúdikti O.Toqtarovtyń Qazaqstan Respýblıkasynan tys jerde bolýyna jáne kelýden jaltarýyna baılanysty Sybaılas jemqorlyqqa qarsy qyzmet QR QPK-niń 205-babynyń 3-bóligin basshylyqqa ala otyryp, kúdiktini shaqyrý týraly habarlamany buqaralyq aqparat quraldarynda jarııalaıdy.

«Kúdikti O.Toqtarovqa jaýap alý jáne is-áreketterdiń saralanýy týraly qaýlyny jarııalaý úshin 2024 jylǵy 26 qyrkúıekte saǵat 11:00–de Qazaqstan Respýblıkasy, Astana qalasy, Qabanbaı batyr dańǵyly, 19, „B“ blogy mekenjaıynda ornalasqan Qazaqstan Respýblıkasy Sybaılas jemqorlyqqa qarsy is-qımyl agenttiginiń ákimshilik ǵımaratyna jedel-tergeý tobynyń basshysy J. Ótepqalıevke kelý qajet.

Kúdikti tergeý áreketterine qatysý úshin qorǵaýshyny derbes shaqyrýǵa ne qylmystyq protsesti júrgizýshi organnyń qorǵaýshysynyń qatysýyn qamtamasyz etý týraly ótinishhat berýge quqyly», — delingen aqparatta.

Eger qorǵaýshyny kúdikti nemese onyń zańdy ókilderi, sondaı-aq olardyń tapsyrmalary boıynsha basqa adamdar shaqyrmasa, qorǵaýshynyń qatysýyn qylmystyq protsesti júrgizetin organ qamtamasyz etedi.