Antıkor Almaty-Qorǵas trassasynda qoparylǵan joldy tekserýge arnaıy bardy
«Almaty-Qorǵas tasjolynyń 190-shy shaqyrymyndaǵy joldyń kóterilýine baılanysty arnaıy keldik. Qazir jóndeý jumystaryn júrgizip jatyr. Bul jol 2017 jyly tapsyrylǵan. Biz joldyń jobalyq-smetalyq qujattaryn tolyqtaı tekseremiz», - dedi Sybaılas jemqorlyqqa qarsy is-qımyl agenttiginiń Almaty oblysy boıynsha departament basshysynyń birinshi orynbasary Nursultan Bekenov.
Departament basshysy birinshi orynbasarynyń aıtýynsha, joldaǵy betondardy baılanystyratyn biriktirgishterdiń araqashyqtyǵy tym alshaq.
«Almaty oblysynan basqa da aýa raıy ystyq elder bar. Qarapaıym mysal retinde Dýbaıdy alaıyq. Ondaǵy joldarda mundaı problema joq. Munda beton biriktirgishter 500-600 metr saıyn salynyp otyrǵan. Alaıda, ol jetkiliksiz. Mysaly, jańaǵy Dýbaıdy alatyn bolsaq, ondaǵy araqashyqtyq - 80-100 metrden. Sondyqtan, qysym bolǵandyqtan aýa raıynyń kúrt ysýyna baılanysty beton qozǵalyp jatyr. Qazir mundaǵy jaǵdaıdy QazAvtoJol ókilderi osylaı dep túsindirip otyr», - deıdi Nursultan Bekenov.
Aıta keteıik, Almaty-Qorǵas trassasynda qoparylǵan joldyń vıdeo áleýmettik jelige jarııalanǵan edi.