Antıkor Almaty oblysyndaǵy eki nysannyń qurylysyn baqylaýǵa aldy

<p>Almaty oblysynyń sybaılas jemqorlyqpen kúres qyzmeti Shonjy aýylyndaǵy dene shynyqtyrý-saýyqtyrý kesheni men Raıymbek aýdanyndaǵy mádenıet úıiniń qurylysyn erekshe baqylaýǵa aldy, dep habarlaıdy Kazinform.</p>

QR Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń málimetinshe, jemqorlyq táýekelderi kartasyn júzege asyrý aıasynda tapsyrylý merzimi keshiktirilgen, qarjy jymqyrý qaýpi bar áleýmettik nysandar qurylysyna monıtorıng júrgizilip jatyr.

«Elimizdiń barlyq óńiri boıynsha jalpy bıýdjeti 2,44 trıllıon teńge bolatyn 156 nysan anyqtaldy. Onyń ekeýi Almaty oblysynda ornalasqan. Bul - Uıǵyr aýdany Shonjy aýylyndaǵy dene shynyqtyrý-saýyqtyrý kesheni men Raıymbek aýdany Jambyl aýylyndaǵy mádenıet úıiniń qurylysy. Saýyqtyrý kesheniniń qurylysyna 2019 jyly 1 mlrd teńgeden astam qarajat bólinip, tapsyrý merzimi 2021 jylǵy qańtarǵa belgilengen. Al mádenıet úıine 2021 jyly 474 mln teńgege jýyq qarajat bólinip, jumystardy aıaqtaý merzimi 2022 jyldyń tamyz aıyna qoıylǵan. Búginde eki nysan boıynsha sot protsesteri júrip jatyr»,- dep habarlady Sybaılas jemqorlyqqa qarsy is-qımyl agenttiginen.

Antıkor ókilderi eriktilermen birlesip, osy eki nysandy jiti baqylaýda ustaıtyndaryn atap ótti.