«Anti-fraud»: Petropavl polıtseıleri úsh kúnde 8 ınternet-alaıaqtyq faktisin áshkereledi
SQO Polıtsııa departamentiniń málimetinshe, Krımınaldyq polıtsııa bólinisteriniń qyzmetkerleri úsh kún boıy uıymdar men adamdar kóp jınalatyn oryndarda jadynamalar taratyp, jelilik alaıaqtardyń negizgi aıla-tásilderi týraly aıtqan. Sondaı-aq tártip saqshylary alaıaqtar jıi paıdalanatyn áleýmettik jelilerge monıtorıngti kúsheıtken.
Polıtseılerdiń aıtýynsha, kıberalaıaqtarǵa aldanyp qalǵan adamdardyń keıbiri polıtsııaǵa júginbeıdi eken. Oblys turǵyndarymen júzdesip, sóılesý barysynda ári áleýmettik jelilerdegi kommentarıılerdi teksere kele 8 fakti anyqtalǵan. Olardyń derligi ınternettegi habarlandyrýlarǵa qyzyǵyp, taýarlar satyp alý kezinde aldyn ala tólem jasaǵan nemese bógde bireýdiń atyna shaǵyn nesıe resimdeýmen baılanysty faktiler bolyp shyqqan. Polıtseıler áshkere bolǵan ár fakt boıynsha zardap shekken jábirlenýshilerdi aryz jazýǵa kóndirdi. Nátıjesinde barlyq qylmystar qysqa ýaqyt ishinde ashylǵan.
«Basqa bireýdiń atyna shaǵyn nesıe resimdeý qaýpi kóbinese jaqyn adamdardan nemese týystardan keledi. Ne bolmasa dostary arqyly júzege asady. Shaǵyn nesıe uıymdarynyń qyzmetin paıdalanbaıtyn egde jastaǵy adamdar bet-álpet arqyly foto-vıdeo rastaý qajet ekeninen habarsyz bolǵany úshin jıi zardap shegedi. Qaskóıler jaqyndarynyń ańqaýlyǵyn sátti paıdalanyp, ár nárseni syltaý etip olardy fotoǵa túsirip, nesıeler rásimdeıdi. Eger sizderge ózińiz almaǵan áldebir qaryzdy tóleýdi talap ete bastasa, birden polıtsııaǵa júginińiz. Bul týraly úıdegi qarııalarǵa da eskertińizder», — deıdi SQO PD Krımınaldyq polıtsııa basqarmasynyń bastyǵy polıtsııa podpolkovnıgi Ivan Terzıdı.
Mamandar, ınternettegi habarlandyrý úshin aldyn ala tólem talap etip, san soqtyryp ketse de birden polıtsııaǵa aryzdaný keregin eskertedi. Mundaı qylmystar jıi ashylatyn qylmystarǵa jatady.