Antarktıdada +18 gradýstyq jańa temperatýralyq rekord tirkeldi

NUR-SULTAN. QazAqparat – BUU Antarktıdada 18,3°S jańa temperatýralyq rekordty tirkedi. Bul týraly BUU-nyń Dúnıejúzilik meteorologııalyq uıymyna (BMU) silteme jasaı otyryp, QazAqparat habarlaıdy.

Buǵan deıin rekordtyq temperatýra 2020 jyldyń 6 aqpanynda Antarktıkalyq túbeginde Esperanza argentınalyq zertteý stantsııasynda anyqtalǵan edi. Al munyń aldynda antarktıkalyq kontınettegi rekord +17,5°S bolǵan. Ol da Esperanza stantsııasynda anyqtaldy, biraq 2015 jyly.

«Maksımaldy temperatýrany tekserip otyrý mańyzdy, bul Jerdiń eń sońǵy shekaralarynyń birindegi aýa raıy men klımatty baqylap otyrýǵa múmkindik beredi», - dedi BMU-nyń bas hatshysy Petterı Taalas.

Onyń aıtýynsha, antarktıkalyq túbek – ǵalamshardyń eń tez jylyp kele jatqan óńiri. Sońǵy 50 jylda 3°C jylyǵan.