Antalıa áýejaıyndaǵy ereýilge baılanysty reıster keshigip jatyr

<p>ASTANA. KAZINFORM &ndash; Antalıa áýejaıynda jumysshylardyń ereýiline baılanysty halyqaralyq jáne ishki reıster keshikken. Keıbir ushaqtar bir táýlikten astam ýaqyt boıy ushýǵa ruqsat kútýde. Túrkııanyń kýrorttyq aımaǵynyń týrızm salasy jaǵajaı maýsymynyń qyzǵan shaǵynda áýe dıspetcherleriniń ereýiline baılanysty daǵdarysqa ushyrady.&nbsp;</p>

Antalıa áýejaıyndaǵy narazy qyzmetkerler jumystan bas tartyp nemese jumys belsendiligin ádeıi azaıtyp otyr. Osy jaǵdaıdan soń reıster jospardan tys keshikken jáne ushý ýaqyty aýysqan. 

Áýejaı qyzmetkerleri basshylyqtan jalaqyny kóbeıtip, eńbek jaǵdaıyn jaqsartýdy talap etýde. Qazirgi ýaqytta olardyń jumysy aıtarlyqtaı baıaýlady. Budan keıin reısterdiń ýaqyty keıingi yǵystyrylyp, tipti keıbiri ushpaı qalǵan. Bul jolaýshylardyń, ásirese demalýshylardyń jaǵdaıyn qıyndatyp, áýe kompanııalaryn da úlken qarjylyq shyǵynǵa batyrdy. 

Bul rette keıbir túrik basylymdary Antalııa áýejaıyndaǵy narazylyq áýe kompanııalarynyń biri jolaýshylarǵa aldyn ala eskertýsiz Gazıantep, Samsýn, Van jáne Izmır qalalaryna reısterdi toqtatqannan keıin bastalǵanyn jazdy. 

Jolaýshylardyń áýejaı ǵımaratynda narazylyq bildire bastaǵany atap ótildi. Osydan keıin narazy adamdar áýe kompanııasynyń keńsesine basyp kirdi. 

Buǵan deıin Túrkııanyń Kólik jáne ınfraqurylym mınıstrligi Antalıa áýejaıynda bıylǵy maýsymda byltyrǵy áýe qozǵalysy rekordynyń jańarǵanyn málimdegen. 

Vedomstvonyń málimetinshe, kýrorttyq qalalyq áýejaı 199 751 adamdy qabyldap, 1 175 reıske qyzmet kórsetken. Qyzmetkerlerdiń narazylyǵy dál osy kórsetkishtermen baılanysty bolýy múmkin, bul úlken jumys ýaqytyn kórsetip otyr.