Antalııada jolaýshylar avtobýsy aýdarylyp, reseılik 4 týrıst mert boldy

MANAVGAT. TASS – QazAqparat – Antalııa provıntsııasynyń kýrortty qalasy Manavgat aýdanynda reseılik týrısterdi tasyǵan avtobýspen bolǵan jol-kólik oqıǵasy oryn aldy, dep habarlaıdy QazAqparat TASS agenttigine silteme jasap.

RF Densaýlyq saqtaý mınıstrliginiń málimetinshe, 4 reseılik kóz jumǵan, beseýiniń jaǵdaıy aýyr, taǵy ekeýi reanımatsııada jatyr.

Bul rette «Intýrıst» kompanııasy tórt Reseı azamaty kóz jumǵanyn, 16 adamnyń aýrýhanada jatqanyn habarlady.

Onyń málimeti boıynsha, olardyń bári - Samara oblysynan, basqa aımaqtardan týrıster bolmaǵan.

Avtobýs Konakly kentinen áýejaıǵa 22 reseılik týrısten turatyn topty tasyǵan, onyń arasynda toǵyz bala bolǵan.

Aldyn ala málimet boıynsha, avtobýs júrgizýshisi róldi basqara almaı qalǵan: kólik bólý syzyǵyn kesip ótip, qarsy jolaqqa sekirip, aýdarylyp ketken.

QR SІM baspasóz qyzmetiniń habarlaýynsha, zardap shekkender arasynda Qazaqstan azamattary joq.