Antalııada Qazaqstandyq isker adamdar qaýymdastyǵy quryldy

<p>Antalııada Qazaqstandyq isker adamdar qaýymdastyǵynyń resmı ashylýy ótti. Sharaǵa Qazaqstan Respýblıkasynyń Bas konsýldyǵy muryndyq boldy, dep habarlaıdy QR SІM baspasóz qyzmeti.&nbsp;</p>

Bul qaýymdastyq Antalııada turatyn qazaqstandyqtardyń bastamasymen QR azamattaryn erikti negizde biriktirý jáne jalpy beıimdelý máselelerinde otandastarǵa kómek kórsetý, sonyń ishinde ana tilin, mádenıetin, dástúrleri men ádet-ǵuryptaryn qoldaý maqsatynda qurylǵan.

Qaýymdastyq prezıdenti Dınara Mýrzaǵalıeva jańa qaýymdastyqtyń qyzmetin damytý josparlarymen bólisti. Atap aıtqanda, jaqyn arada qazaq tili men Qazaqstan tarıhyn tegin negizde oqytatyn kýrstardy ashý josparlanyp otyrǵanyn aıtty.

Іs-sharaǵa Alanııa men Ystanbuldaǵy qazaqstandyq birlestikterdiń ókilderi, sondaı-aq Antalııadaǵy birqatar shet elderi qaýymdastyqtarynyń jetekshileri qatysty.

Qaýymdastyqtyń resmı ashylýynda Qazaqstan Respýblıkasynyń Antalııadaǵy Bas konsýly Qýat Kanafeev otandastardy osy mańyzdy sátpen quttyqtap, josparlarynyń sátti júzege asýyn tiledi.