Ánshi Adel uzaqmerzimdi shyǵarmashylyq úzilis jasaıtyn boldy

<p>ASTANA. KAZINFORM &ndash; Brıtandyq ánshi Adel qazirgi kontserttik týry aıaqtalǵannan keıin mýzykalyq mansabynda uzaq úzilis jasaýdy josparlap otyrǵanyn aıtty, dep habarlaıdy <a href="https://www.bbc.com/russian/articles/c7283dgp431o" target="_blank" rel="noopener">VVS</a>.</p>

«Meniń kúsh-qýatym sarqyldy. Jańa mýzyka jazý týraly eshqandaı josparym joq. Osynyń bárinen keıin men úlken úzilis jasaǵym keledi», - dedi juldyz Mıýnhende ótetin 10 kúndik kontsertter serııasy aldynda nemistiń ZDF telearnasyna bergen suhbatynda.

Ánshiniń sońǵy albomy 2021 jyly shyqty. Ol sońǵy eki jyl boıy demalys kúnderi Las-Vegasta óner kórsetti jáne jaqynda Caesars Palace Saýyq kesheninde kontserttik rezıdentsııa aıasynda óziniń 90-shy shoýyn ótkizdi. Ol qarasha aıynda aıaqtalady jáne Adel bul tájirıbe ony emotsıonaldy túrde álsiretkenin aıtty.

Onyń Germanııadaǵy kontsertteri Las-Vegastaǵy qoıylymdarynan múlde ózgeshe bolady, mundaǵy kontserttik alań 4 myńǵa jýyq kórermendi syıdyrady: Mıýnhende ár kesh saıyn onyń ánin arnaıy salynǵan ýaqytsha stadıonda 74 myń jankúıer tyńdaıdy.

Ánshiniń kontsertteri 2 tamyzdan bastap ótedi, biraq barlyq bılet áli satylǵan joq: nemistiń DPA agenttiginiń málimetinshe, bıletterdiń 5 paıyzy qoımada qaldy.

Promoýter Marek Lıberbergtiń aıtýynsha, kóptegen bıletter baǵa dıapazonynyń eń joǵarǵy jáne tómengi jaǵynda qaldy. Eń arzan bıletter 79 eýro, al eń qymbaty 430 eýro turady.