«Ańsaǵan sábı»: Shymkentte kvota sany artty
Úshinshi megapolıste «Ańsaǵan sábı» baǵdarlamasy aıasynda 2021 jyly — 403, 2022 jyly – 413, 2023 jyly 429 kvota bólinip otyr.
«Shymkent qalasy boıynsha 2022 jyldyń basynda 538 kelinshek bedeýlik dıagnozymen dıspanserlik esepke alyndy. Ótken jyly memlekettik baǵdarlama aıasynda tegin EKU boıynsha 413 kvota berilip, baǵdarlamaǵa qatysqandardyń ishinen 185 kelinshek júktilikpen esepke alyndy. Nátıje 45 paıyzdy qurady. Bul – óte joǵary kórsetkish. Sebebi, áıelderdiń jasyna, densaýlyǵyna qaraı nátıje óte tómen bolatyn kezeńder de bolady. Ótken jyldyń qorytyndysy bizdi qýantyp otyr. Sonymen qatar 62 kelinshek baǵdarlama aıasynda em-sharalaryn jalǵastyryp jatyr. Ótken jyldyń sońyna deıin 33 sábı dúnıe esigin ashyp úlgerdi. Bul kórsetkish áli de óse bermek», - deıdi Shymkent qalalyq perınataldy ortalyǵynyń bólim meńgerýshisi, qalanyń shtattan tys reprodýktology G.Rysqulbekova.
Aıta keteıik, EKU-ǵa jiberý týraly sheshimdi Shymkent qalalyq densaýlyq basqarmasy janynan qurylǵan arnaıy komıssııa qabyldaıdy. Al em-shara júrgiziletin reprodýktıvtik medıtsına ortalyǵyn áıeldiń ózi tańdaıdy.
«Ańsaǵan sábı» baǵdarlamasyna joldama jylyna bir márte ǵana beriledi.