Ańsaǵan sábı: Mańǵystaýda bıyl 300-ge jýyq áıelge bala súıýge múmkindik beriledi
Óńirdiń densaýlyq saqtaý basqarmasynyń málimetinshe, sońǵy eki jylda óńirde úsh júzden astam ana EKO arqyly sábıli bolǵan.
— Bıyl Mańǵystaý oblysy boıynsha 273 otbasyna «Ańsaǵan sábı» baǵdarlamasynyń ıgiligin kórý múmkindigi berildi. Máselen, 2022-2023 jyldary oblys boıynsha «Ańsaǵan sábı» baǵdarlamasy aıasynda 535 áıelge EKU jasaldy. Olardyń 300-den astamy júkti boldy. Aıta ketsek, EKO ortalyqtaryna qarjy tóleý mindetti áleýmettik medıtsınalyq saqtandyrý júıesi arqyly júzege asyryldy. Prezıdent joldaýy sábıdi ańsap júrgender talaı otbasyǵa úmit syılaǵany anyq, — dedi Mańǵystaý oblystyq densaýlyq saqtaý basqarmasynyń shtattan tys otbasyn josparlaý jene reprodýktıvti densaýlyq jónindegi úılestirýshi ıÝlııa Dosahanova.
Mańǵystaý oblystyq densaýlyq saqtaý basqarmasynyń ókili ıÝlııa Dosahanova «Ańsaǵan sábı» baǵdarlamasy arqyly kvota alý úshin qandaı sábı ańsaǵan analarǵa ne isteý kerektigin atady.
— «Kvota alý úshin ne isteý kerek?» degen suraqqa toqtalsaq. Aldymen turǵylyqty mekenjaıy boıynsha emhanadaǵy ýchaskelik terapevtke barý qajet. Sodan soń dáriger qaı mamanǵa barý keregin túsindiredi. Sebebi, kezekke qoıý úshin arnaıy reprodýktologııa ortalyǵyna baryp, arnaıy analızderdi tapsyrady. Keıin emhanananyń gınekolog-dárigeri EKU jasatýǵa densaýlyǵy jaraıdy degen qorytyndy beredi. Sol qorytyndyny alyp, oblys boıynsha jaýapty mamanǵa ákelip tapsyrady. Tizim bekitilip jınaqtalǵannan soń, oblystyq densaýlyq saqtaý basqarmasynan qurylǵan komıssııa qujattardy qarap, tekseretin bolady. Komıssııa oń sheshim shyǵarǵan jaǵdaıda, otbasylyq jup kezekke turady, — dedi ıÝlııa Dosahanova.
Aıta ketetin jaıt, sábı súıgisi keletin otbasylar MÁMS aıasynda jylyna bir ret tegin EKU jasata alady.
Talpynysy sátsiz aıaqtalǵan jaǵdaıda kelesi jylǵa kezekke turýyna múmkindik qarastyrylǵan.