«Ańsaǵan sábı» baǵdarlamasynyń arqasynda 2 431 bala dúnıege keldi
«Bıyl balalar men júkti áıelderdi, onyń ishinde qaýip tobyndaǵy balalardy zerttep-qaraý jáne olarǵa konsýltatsııa berý úshin perenataldyq ýltradybystyq skrınıng júrgizilip jatyr. Náreste óliminiń sebebi týa bitken ártúrli aqaýlar bolyp tur. Sondaı-aq damýynda kemistigi jáne olardyń týyndaý qaýpi bar 3 jasqa deıingi balalarǵa arnalǵan erte aralasý ortalyǵy ashylyp jatyr. Bıyl Almaty jáne Shyǵys Qazaqstan oblysynda ashyldy. Kelesi jyly 10 myńnan astam balany qamtıtyn 13 ortalyq ashý josparlanǵan», - dedi mınıstr.
Ajar Ǵınııattyń dereginshe, medıtsınalyq ońaltýdy qarjylandyrý 7 esege, onyń ishinde balalar úshin 27 paıyzǵa ulǵaıdy.
«Ańsaǵan sábı» arnaıy baǵdarlamasyn bilesizder. Bul baǵdarlama Prezıdentimizdiń bastamasymen ótkizilip jatyr. Elimizde byltyr 7 000 kvota taratylǵan bolatyn. 3 myńnan astam áıel júkti bolyp, kópten kútken 2 431 bala týdy. Kóptegen otbasy bala súıý baqytyna ıe boldy. Júkti áıelder men balalarǵa keshendi, joǵary mamandandyrylǵan medıtsınalyq kómek kórsetý úshin álemdik standarttarǵa sáıkes keletin 11 zamanaýı perınataldyq ortalyqtyń qurylysy josparlanǵan», - dedi ol.