«Ańsaǵan sábı» baǵdarlamasy 2025 jylǵa deıin jalǵasady

NUR-SULTAN. QazAqparat – «Ańsaǵan sábı» baǵdarlamasynyń arqasynda 1307 otbasynda kópten kútken 1560 bala dúnıege keldi. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Prezıdentimiz Qasym-Jomart Kemeluly bedeýlik saldarynan otbasylyq juptardyń 20 paıyzyy ajyrasyp jatqanyna, otbasylyq-demografııalyq jaǵdaıǵa alańdaýshylyq bildire otyryp, «Ańsaǵan sábı» arnaıy baǵdarlamasyn júzege asyrýdy tapsyrdy. Byltyr osy baǵdarlama arqyly 7 000 áıelge qosalqy reprodýktıvtik tehnologııalar qoljetimdi boldy. Nátıjesinde 3 000-nan astam áıel júktilik boıynsha esepke alyndy. 1307 otbasynda kópten kútken 1560 bala dúnıege keldi. Bul baǵdarlama «Deni saý ult» ulttyq jobasy sheńberinde 2025 jylǵa deıin jalǵasatyn bolady», - dedi Ajar Ǵınııat Úkimet otyrysynda.