«Ańsaǵan sábı»: 2 300 bala dúnıege keldi

ASTANA. QazAqparat – «Ańsaǵan sábı» baǵdarlamasynyń arqasynda 2 300 bala dúnıege keldi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Júkti áıelderdiń densaýlyǵyn saqtaý jáne balalardyń densaýlyǵyn nyǵaıtý úshin júkti áıelderdi jeke jáne dıstsıplınarlyq baqylaýmen qamtý 82 paıyzdy qurady. Memleket basshysynyń tapsyrmasy boıynsha «Ańsaǵan sábı» arnaıy baǵdarlamasy iske qosyldy. Baǵdarlamany iske asyrý kezinde 3 myńnan astam áıelde júktilik bastaldy, kópten kútken 2 300 bala dúnıege keldi», - dedi mınıstr «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasynyń birinshi jartyjyldyqtaǵy nátıjeleri jaıynda baıandaı kele.

Ajar Ǵınııattyń atap ótýinshe, balalar men júkti áıelderdi, onyń ishinde qaýip toptary bar balalardy zerttep-qaraý jáne konsýltatsııa berý úshin Perenataldyq ýltradybystyq zertteý skrınıngin júrgizýdi uıymdastyrýdyń jańa standarty bekitildi.

«18 uryqty saqtaý ortalyǵy uıymdastyryldy. Nátıjesinde júkti áıelderdi perenataldyq skrınıngpen qamtý alty aıdyń ishinde 6 paıyzǵa ósti», - dedi ol.