Ańsaǵan sábı: 14 myń áıelge EKU qyzmetteri usynyldy
23:08, 13 Naýryz 2023
ASTANA. QazAqparat - «Ańsaǵan sábı» áleýmettik baǵdarlamasy aıasynda 14 myń áıelge EKU qyzmetteri usynyldy, dep habarlaıdy QazAqparat DSM silteme jasap.
Memleket basshysy tapsyrmasyna sáıkes «Ańsaǵan sábı» áleýmettik baǵdarlamasy aıasynda 14 myń áıelge EKU qyzmetteri usynyldy. Jalpy baǵdarlamany iske asyrý kezeńinde 7 myǵnan astam áıel júkti boldy. 3200 otbasynda kópten kútken 4 myń bala dúnıege keldi. Qazirgi ýaqytta 3 myńǵa jýyq júkti áıel bala týady dep kútilýde.