Anna Danılına juptyq synda Rabat jarysynyń shırek fınalyna shyqty

ASTANA. QazAqparat – Qazaqstannyń juptyq syndaǵy birinshi, álemniń 24-raketkasy Anna Danılına Rabat (Marokko) WTA 250 jarysynyń shırek fınalyna shyqty, dep habarlaıdy QazAqparat tilshisi.

Dodanyń úshinshi raketkalary bolyp tirkelgen qazaqstandyq tennısshi men majarstandyq Tımeıa Babosh alǵashqy aınalymda chehııalyq Anastasııa Detıýk – venesýelalyq Andrea Gamıspen sheberlik baıqasty.

Tartysty ótken birinshi partııada qazaqstandyq-majarstandyq dýet taı-breıkte jeńisti julyp aldy – 7:6 (7:3). Ekinshi sette A.Detıýk pen A.Gamıske esh múmkindik qaldyrmady – 6:0.

Bir saǵattan astam ýaqytqa sozylǵan báseke barysynda A.Danılına – T.Babosh 4 eıs jasap, 6 breık-poınttyń beseýin paıdalandy. Qarsylas jup 1 eıs, 1 breıkpen (6 breık-poınt) kózge tústi.

Qazaqstandyq-majarstandyq jup jartylaı fınalǵa shyǵý úshin amerıkalyq Sabrına Santamarııa – reseılik ıAna Sızıkova nemese grýzııalyq Oksana Kalashnıkova – Polsha ókili Katajına Pıter juptarynyń qaı jeńgenimen talasady.

Eske sala keteıik, budan buryn Elena Rybakınanyń resmı túrde álemniń tórtinshi raketkasy bolǵanyn jazǵan edik.

Sondaı-aq qazaqstandyq tennısshilerdiń álemdik reıtıngidegi orny belgili boldy.

ıÝlııa Pýtıntseva Marokkoda Rabat týrnırin jeńispen bastady.